Google ADS

Zëvendës presidenti i Barcelonës: Jemi në kontakt me Messin

14:01 | 31 Mars 2023
Orgesa Haziri

Nënkryetari i Barcelonës, Rafa Yuste, e ka konfirmuar se është në bisedimet me Lionel Messin për një rikthim të mundshëm në klub.

Ai duke folur për mediumin spanjoll, Mundo Deportivo shpjegoi se ata po flisnin me Messin dhe familjen e tij.

“Leo dhe familja e tij e dinë dashurinë që kam për ta. Kam marrë pjesë në negociatat që fatkeqësisht nuk çuan në sukses. Nëse po flasim për La Masian dhe futbollin bazë, po flasim për Messin. Sigurisht që do të doja ta shihja të kthehej. Për atë që mund të përfaqësojë në nivel sportiv, social dhe ekonomik. Ne jemi në kontakt me ta, po”, tha ai.

Yuste vazhdoi duke theksuar se ai shpresonte “që të gjitha kushtet mund të përshtaten së bashku në mënyrë që kjo histori e dashurisë së ndërsjellë të përfundojë me Messin te Barcelona.

Messi u largua nga “Katalanasit” në vitin 2021, pasi klubi nuk ishte në gjendje ta regjistronte kontratën e argjentinasit për shkak të problemeve financiare./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm